PEMKAB PRINGSEWU NGELAKSANAKO PERINGATAN HPSN 2021

97
0

Pringsewu,– INFONUSANTARA.co.id — Memperingati Hari Peduli Sampah Nasional (HPSN) Tahun 2021, Pemerintah Kabupaten Pringsewu ngelaksanako apel jama pesekhta aparatur sipil negara di lapangan pemkab setempat, Jumat (26/2/21) pagi, jama pembina apel Bupati Pringsewu Sujadi.

Peringatan Hari Peduli Sampah Nasional hinji ngakuk tema ‘Sampah Bahan Baku Ekonomi di Masa Pandemi‘ ditandai jama aksi ngebersihko sampah sai wat di lingkungan perkantoran Pemkab Pringsewu, sekhadu ngelaksanako apel pagi.

Di kesempatan sina, dikeniko plakat penghargaan anjak Pemkab Pringsewu guwai penggiat lingkungan hidup Lukman Riyadi khik pengusaha berwawasan lingkungan Riyanto Pamungkas sai dikeniko Bupati Pringsewu Sujadi didampingi jama Kadis Lingkungan Hidup Hendrid.

Delom amanatni, Bupati Pringsewu Sujadi nyawako permasalahan sampah adalah masalah manusia. Ulih dasakhni manusia munih berasal jak sampah atau ‘air hina’ khik selanjutni diciptako jadi makhluk sai mulia. Selain sina, Pringsewu berhasil jadi kabupaten ODF sai pertama di Sumatera, munih bagian jak pengelolaan sampah. “Payuh kham tingkatko kesadaran khik selalu berpedoman jama mindset nyelesaiko sampah khik layin nambah masalah sampah, munih khepa cakhani sampah-sampah sinji dacok diolah khik ngejadi berkah,” cawani. (Bdr).